Forvaltingsplanarbeidet: På’an igjen med SVO-ane

Stortinget har nett vedteke revidert forvaltingsplan for Barentshavet og oppdatert plan for Norskehavet og Nordsjøen-Skagerak. For Barentshavs-planen var plasseringa av iskanten eit av dei mest omdiskuterte tema. Iskantsonen i Barentshavet har status som SVO (sjå faktaboks).

Les også: Dette veit vi om iskantsona  

På tvers av fag og institusjonar

– Å vurdera kva som er særleg verdifulle og sårbare område er kjernen i arbeidet med forvaltningsplanane, fortel Elena Eriksen. Ho er for tida programleiar for Barentshavet og Polhavet på Havforskingsinstituttet
Om fire år skal politikarane på nytt godkjenna alle forvaltningsplanane – og dermed SVO-ane. Fagleg forum for norske havområde er alt i gang med ein heilskapleg gjennomgang av SVO-ane. Det tverrfaglege arbeidet blir leia av Elena Eriksen. 

– Vi gjer ei grundig miljøvurdering, der vi beskriver desse områda med ny kunnskap og data, vurderer om grensene skal justerast og identifiserer eventuelle nye SVO-ar, forklarar ho. 

SVO-ane blir vurderte etter EBSA-kriterieria (EBSA: Ecologically or Biologically Significant Marine Areas) frå Konvensjonen om biologisk mangfald. Dette gjer arbeidet relevant også i internasjonal samanheng.

Vurderer sårbarheit

SVO-ane skal også vurderast i høve til verdi og kor sårbare dei er for menneskeleg aktivitet og påverknad. Det er ikkje bestemt kven som gjennomfører denne delen av arbeidet enno.
Arbeidet med SVO-ane munnar ut i ein omfattande rapport som går inn i kunnskapsgrunnlaget for forvaltningsplanane. Etter planen skal Fagleg forum vera klar med sitt råd om to til tre år før politikarane får planane til behandling i 2024.  

Les meir her: Forvaltingsplaner