Her kjøper HI nytt sjøanlegg av Os-firmaet Nor-Mær
Frå venstre: Direktør for teknisk infrastruktur Øystein Brun, innkjøpsansvarleg Caspar Christie, havforskingsdirektør Sissel Rogne, styreleiar Frode Holdhus i Nor-Mær, dagleg leiar Olaug Gausvik, salsleiar Jan Gausvik, stasjonsleiar ved forskingsstasjonen i Austevoll Kjetil Stensland og teknikarane Bjørn Magne Hufthammer og Sjur Åge Skår.
Fotograf: Erlend A. Lorentzen / Havforskningsinstituttet
Frå andre "kanten" av bordet: styreleiar Frode Holdhus i Nor-Mær, dagleg leiar Olaug Gausvik, salsleiar Jan Gausvik.
Fotograf: Nor-MærPublisert: 06.05.2021
No har partane signert kontrakten digitalt i dobbel forstand.
– Dette er ein viktig ordre for oss. Vi er stolte over å bli valde som leverandør for Havforskingsinstituttet og trygge på å levere kvalitet som står til forventningane, seier dagleg leiar i Nor-Mær Olaug Gausvik.
– Vi er glade for det gode tilbodet frå eit lokalt firma og gler oss til å få på plass oppgraderinga, seier havforskingsdirektør Sissel Rogne.
Sjøanlegget har ei byggetid på 13-15 månadar før det kan erstatte dagens anlegg. Det nye, spesialbygde anlegget skal bli eit løft for både arbeidarane og akvakulturforskinga i Austevoll.
Meir armslag til å forske
Anlegget blir truck-fritt for betre HMS, med 4 meter brei hovudbrygge og breiare landgangar rundt fiskebura.
Midt på anlegget blir ein open plass til å jobbe på, for eksempel til veging og måling av fisk.
Ny flytekai skal huse el-arbeidsbåt
Den største synlege endringa blir ei flytekai i bakkant med tilrettelegging for ein heilelektrisk arbeidsbåt som blir eit eige anbod seinare.
Også andre båtar vil kunne legge til anlegget, slik som dei minste havforskingsfartøya.
